ശാസ്ത്രം, യുക്തിചിന്ത, മാനവികത എന്നീ മുദ്രാവാക്യങ്ങൾ ഉയർത്തിപ്പിടിച്ച് കേരളത്തിലുടനീളം നല്ല നിലയിൽ പ്രവർത്തിക്കുവാൻ esSENSE club ന് സാധിച്ചിരുന്നു. മീറ്റിങ്ങുകൾ, സംവാദങ്ങൾ, FB ഗ്രൂപ്പ്/പേജ്, YouTube channel തുടങ്ങി വിവിധ മാധ്യമങ്ങളിലൂടെ സമൂഹത്തിലെ യുക്തിവാദികളും, വിശ്വാസികളും, വിവിധ മത-രാഷ്ട്രീയ വീക്ഷണങ്ങൾ പുലർത്തുന്നവരും ആയ ജനങ്ങളുമായി സംവദിക്കാൻ esSENSE club ന് സാധിച്ചിരുന്നു. പരിപാടികളുടെ നിലവാരം ആശയങ്ങളുടെ വ്യക്തത, കൃത്യമായ നിലപാടുകൾ, വിഷയങ്ങളുടെ തിരഞ്ഞെടുപ്പ് തുടങ്ങിയ പല കാരണങ്ങൾ കൊണ്ട് പൊതു സമൂഹത്തിന്റെ അംഗീകാരം അതിവേഗം നേടിയെടുക്കാൻ esSENSE club ന് കഴിഞ്ഞു. 2017 ഒക്ടോബർ 2 ന് എറണാകുളം ടൌൺ ഹാളിൽ esSENSE Club നടത്തിയ ഒന്നാം വാർഷികം essentia'17 ഇത്തരത്തിൽ ഒന്നായിരുന്നു.